Eu falo galego, pero non son nacionalista. Xa o falaba cando eles se agochaban detrás do castelán. E ríanse de min. Eu era dos arrabaldes da miña vila, e falabamos galego, como en todas as aldeas do concello. Só no centro falaban castelán.
Cando veu a democracia encomezaron a xermolar nacionalistas por todas as partes. Facían manifestacións e folgas por calquera cousa. Reprochábanme, ensinándome fotos dos xornais, por non estar na foto, e eu dicíalles: "Como vou estar, se a foto a fixen eu". Eu ía á escola, que era o meu sitio. Era covarde? Posiblemente. Pero eu non me deixaba manipular.
Endexamais fun a unha manifestación, nin tiro pedras, non son violento, nin viorrápido. Son galego-galeguista, e penso que o galego non é patrimonio do BLOQUE. É de todos. Dos castelán-falantes tamén, aínda que o neguen. Falan castelán porque "es más cómodo, tiene más perspectivas". E eu dígolles: "É moito mais cómodo falar en inglés, ten aínda moitas máis perspectivas, falemos todos inglés, eu apúntome. Renuncio ao galego. Renuncias ao castelán? Cal é a túa resposta negativa castelán-falante? Pois eu tampouco renuncio ao galego".
No hay comentarios:
Publicar un comentario