Cidade comercial

A Coruña é terra de faro, A Coruña é terra de cristal e A Coruña é terra de centros comerciais. Os expertos en mercado ainda din, que hai marxe para máis. Demasiada oferta para tan pouca demanda. Pensan que os galegos temos moito poder adquisitivo, por que meten o soldo do Sr. Amancio Ortega no lote e achan a media.

Entendo que canta máis competencia mellor para o consumidor, sempre e cando os centros comerciais non teñan efectos secundarios, como chegar tarde ao traballo ou chegar tarde ao hospital, polas retencións e atascos. Non me gustaría que uns centros comerciais maten a outros, non quero ver continetes sin contido, como vexo polígonos industriais, urbanizacións... Loxicamente esto ven a conto por ise novo centro comercial que hai na Coruña, creo que lle chaman Mariacaneda ou algo así. ¿Queren facer da Coruña un centro comercial mundial? Sendo así, daquela si que entendo o do porto exterior e da ampliación do aeroporto de Alvedro, pois chegarán cruceiros e moitos voos charter de todo o mundo. O que non entendo é ¿Onde está o negocio do Corte Inglés se os aparcamentos son gratuitos?. ¿Por que digo isto?. Pois sempre pensei que o gran negocio do Corte Inglés eran os aparcamentos.