Todos nós temos usado esta frase "Era unha gran persoa", cando falece algún coñecido. Lémbrome unha vez que o dixen e alguén me rebateu "E logoao eu non o son?". Contesteille "Cando morras tamén ó serás, pero el xa o era".
O outro día un amigo meu, José Manuel Barca Becerra díxome "A ver cando me fas unha carta homenaxe" contesteille: "Cando morras", pero el replicou: "Non, eu quero lela". "A ver o que podo facer coas 25 letras do alfabeto galego". A verdade é que é mellor que o homenaxeado estea vivo. José Manuel Barca Becerra é unha gran persoa ao ancho, ao alto non tanto. É un gran contador de contos, historias, anécdotas... Hai que velo, miralo, oílo, escoitalo, sentilo, rilo e por suposto choralo (coa risa).
A súa dona non pensa igual ca min, pensa que é un desastre, que non val para nada, pero ela quéreo no fondo, no fondo, no fondo do mar (é unha broma, el a min tamén ma faría). Quen tamén merece unha homenaxe é Paco Lodeiro, cantante, presentador, humorista, imitador, letrista... en definitiva, un artista. Propóñoo como candidato para o vindeiro día das Cifras e Letras Galegas. E proporía como candidato ó día do Acento Galego a Paco Vázquez.
No hay comentarios:
Publicar un comentario